Hie fingsch d’antworte ufd Frage rund ums Thema Jugendpalament Stadt Bern
Ä Motion isch ä Vorschlag, wo öper ir Politk macht um öpis z’ändere oder neus ihzfüehre. Wär ä Motion schribt, möcht dass sech z’Parlament mitere bestimmte Idee beschäftigt. Wenn ä Motion ahgnoh wird, muess die zuständigi Behörde prüefe wie mä di Idee umsetze cha. Jedes Jupa-mitglied cha säubr ä Motion bim Stadtrat ihrreiche und so mitbestimme, wie dStadt Bern usgseh sött.
Aui Mönsche zwüsche 14i und 25i si bi üs härzlech wiukomme. Wenn jünger bisch chönnt z’KIPA öpis für di si.
Jedä Mönsch cha säubr entscheide wie viu zit er:si fürs JUPA wott ufwände. Vom eimalige Teilnäh are Sitzig bis zum Organisiere vomene eigete Ahlass isch aues müglech. Du chasch passivmitglied si odr oh teil vom Vorstand si.
Du muesch absolut kenni Erfahrige mitbringe. Du chasch bim JUPA di erst ihblick its politische Gschehe vor Stadt Bern gwinne und viu meh!
Ganz eifach. Du chasch die uf derä Webseite d’ahmäudeformular usfüue. Ds heisst abr nonid dasde Mitglied bisch. Du chasch eifach mau ane Sitzig cho, luege öb z’JUPA öpis für di isch und när entscheide öbde wosch am JUPA biträte odr nid.
Z’JUPA isch für aui offe und d’Mitgliederschaft isch chostelos.
Ja, Klar! Du chasch z’ahmäudeformular uf dr Websitä usfüue und när eifach mau ane Sitzig cho ohni Mitglied z’wärde.
Du bechunnsch ersti politischi Ihblick id Politk vor Stadt Bern, du lehrsch cooli neui lüt kennä und chasch aktiv a Projekt mitarbeite oder sogar dis eigete Projekt lanciere. Es lohnt sech definitiv!